Beth yw'r Rhaglen Creu Cydnerthedd ar gyfer Lles Emosiynol ('CREW')?
Mae'r Rhaglen Creu Cydnerthedd ar gyfer Lles Emosiynol ('CREW') wedi cael ei datblygu ar gyfer pobl ifainc rhwng 8 ac 11 oed er mwyn eu cefnogi nhw i ddeall a mynegi eu emosiynau, magu hyder a chydnerthedd trwy ddarparu adnoddau a strategaethau ymdopi sydd wedi'u teilwra i bob unigolyn yn seiliedig ar ei anghenion a'i ddiddordebau.
Dyma'r meysydd y mae CREW yn gallu helpu gyda nhw:
-
emosiynau
-
gorbryder
-
hyder
-
dicter
Bydd y sesiynau CREW yn:
-
Rhoi cymorth un i un i'ch plentyn a byddan nhw wedi'u harwain gan y plentyn.
-
Cael eu cynnal yn eich cartref, yn y gymuned neu yn yr ysgol, yn dibynnu ar anghenion y plentyn unigol ac argaeledd.
-
Darparu gweithgareddau sy'n seiliedig ar chwarae ac yn cael eu cyflwyno gan weithwyr cymorth lles cymwys.
Dydy sesiynau CREW DDIM yn cynnig cymorth gyda:
- Rheoli ymddygiad
- Cwnsela a chymorth therapiwtig
- Osgoi'r ysgol
- Pryderon ehangach y teulu
Cwrdd â'r Garfan
Manylion cyswllt:
Strwythur y Gwasanaeth
Bydd yr ymyrraeth yn para chwe wythnos:
-
Wythnos 1 – cyfarfod i gyflwyno'r rhaglen er mwyn penderfynu pa gymorth sydd ei angen.
-
Wythnos 2-5 – sesiynau un i un gyda'r person ifanc i roi adnoddau a strategaethau iddo i'w gefnogi gyda beth bynnag y mae’n ei chael hi'n anodd ag ef.
-
Wythnos 6 – adolygu cynnydd y person ifanc a bydd gwybodaeth ychwanegol am ddarpariaethau chwarae lleol hefyd yn cael ei darparu.
Byddwch chi'n dal i weithio gyda'ch Gweithiwr Ymyrraeth o'r Gwasanaeth Teuluoedd Cydnerth ar y cynllun teulu ehangach trwy gydol y cyfnod yma, gan mai dim ond un rhan o'r cymorth y mae'r Gwasanaeth Teuluoedd Cydnerth yn ei gynnig yw'r Rhaglen Creu Cydnerthedd ar gyfer Lles Emosiynol.
Sut ydw i'n cael mynediad at CREW?
Dim ond un dull o atgyfeirio sydd gyda ni ar hyn o bryd, sef drwy'r Gwasanaeth Teuluoedd Cydnerth.