Mae darllen straeon gyda'ch plentyn yn ffordd wych o gysylltu â nhw a chreu profiadau i'w rhannu. Mae'n helpu'ch plentyn i ddatblygu ei ddychymyg, gwella sgiliau iaith a chefnogi datblygiad gwybyddol.
Mae gwasanaeth Llyfrgelloedd RhCT yn caniatáu i chi a'ch plentyn fenthyg llyfrau a lawrlwytho e-lyfrau o wefan y llyfrgell. Os byddwch chi'n dod yn aelod o'r llyfrgell, cewch wirio pa deitlau sydd ar gael a rhoi copi wrth gefn fan hyn.
Bob mis ar wefan Teuluoedd RhCT byddwn ni'n argymell straeon llawn hwyl i chi eu darllen gyda'ch plant.
Dyma ein prif argymhellion ar gyfer Hydref 2026:
Storïau Saesneg
Funnybones
Dyma stori am deulu o ysgerbydau sy'n treulio noson yn y dref yn edrych am bobl i aflonyddu a mynd ar gefn yr anifeiliaid ysgerbwd yn y sw.
Archebwch gopi yn un o lyfrgelloedd RhCT
Room on the Broom
Mae'r llyfr yma'n adrodd hanes gwrach garedig a'i chath sy'n gwahodd tri anifail arall (ci, aderyn a broga) i ymuno â nhw i deithio ar ei hysgub.
Archebwch gopi yn un o lyfrgelloedd RhCT.
Straeon Cymraeg
Eliffant yn fy Nghegin!
Beth petae ... eliffant yn eich cegin, teigr ar eich toiled, a gorila yn eich ystafell wely! Beth fyddech chi'n ei wneud? Pan fydd anifeiliaid gwyllt yn symud i mewn i dŷ Rafi, mae angen iddo ddyfeisio CYNLLUN MAWR i’w cael yn ôl i’w cartrefi eu hunain.
Archebwch gopi yn un o lyfrgelloedd RhCT.
Cynan a'r Ddeilen Fach
Wrth i dymor yr hydref gychwyn, mae Cynan yn poeni’n fawr - mae ei goeden hardd wedi dechrau gollwng ei dail i gyd. Beth bynnag mae Cynan yn ceisio ei wneud i’w hachub, does dim byd yn tycio. Pan mae’r ddeilen olaf yn cwympo, mae Cynan yn teimlo’n ddigalon iawn ... nes iddo ddychwelyd drannoeth i olygfa ogoneddus.
Archebwch gopi yn un o lyfrgelloedd RhCT
I gael rhagor o adnoddau a gwybodaeth i’ch helpu chi i ddarllen ac archwilio straeon gyda’ch plentyn, ewch i wefan BookTrust Cymru.