Mae darllen straeon gyda'ch plentyn yn ffordd wych o gysylltu â nhw a chreu profiadau i'w rhannu. Mae'n helpu'ch plentyn i ddatblygu ei ddychymyg, gwella sgiliau iaith a chefnogi datblygiad gwybyddol.
Mae gwasanaeth Llyfrgelloedd RhCT yn caniatáu i chi a'ch plentyn fenthyg llyfrau a lawrlwytho e-lyfrau o wefan y llyfrgell. Os byddwch chi'n dod yn aelod o'r llyfrgell, cewch wirio pa deitlau sydd ar gael a rhoi copi wrth gefn fan hyn.
Bob mis ar wefan Teuluoedd RhCT byddwn ni'n argymell straeon llawn hwyl i chi eu darllen gyda'ch plant.
Dyma ein prif argymhellion ar gyfer Medi 2026:
Storïau Saesneg
The Family Tree
Mae Ash a Willow yn byw yn y goeden, The Family Tree, gyda'u tad ac mae'r tri ohonyn nhw'n caru pobi. Un diwrnod, pan maen nhw'n paratoi i gofrestru ar gyfer cystadleuaeth pobi’r chwilen chwim sef y Busy Beetle Bake-off, mae eu tad yn eu cyflwyno nhw i dylwythen deg newydd o'r enw Hazel fydd yn dod i fyw gyda nhw. Mae'r stori'n dilyn y brawd a'r chwaer wrth iddyn nhw ddod i arfer â chael aelod newydd yn y teulu a chreu cacen i ennill y gystadleuaeth. Fydd popeth yn iawn yn y diwedd?
Archebwch gopi yn un o lyfrgelloedd RhCT.
The Smartest Giant in Town
Mae hen fenyw fach yn byw ar ei phen ei hun ond dydy hi ddim yn hapus - mae ei thŷ yn rhy fach, hyd yn oed i un person! Beth ddylai hi ei wneud? Mae'r hen ddyn doeth yn gwybod yr ateb - dod â haid farus a swnllyd o anifeiliaid fferm i’r tŷ. Pan mae hi'n gwthio'r holl anifeiliaid oddi yno, bydd hi'n synnu pa mor fawr mae ei thŷ yn teimlo.
Archebwch gopi yn un o lyfrgelloedd RhCT.
Straeon Cymraeg
Fy Ffrind Arth
Mae Eddy ac Arth yn teimlo'n drist. Mae'r ddau yn dymuno cael ffrind i siarad gyda nhw. Dim ond eu tedis sydd gyda nhw, a dyw tedis methu siarad. Neu ydyn nhw?
Archebwch gopi yn un o lyfrgelloedd RhCT.
Y Teigr a ddaeth i de
Mae cloch y drws yn canu wrth i Sophie a'i Mam eistedd i lawr i fwyta eu te. Pwy ar y ddaear allai fod? Yn sicr, dydyn nhw ddim yn disgwyl gweld teigr mawr wrth y drws!
Archebwch gopi yn un o lyfrgelloedd RhCT.
I gael rhagor o adnoddau a gwybodaeth i’ch helpu chi i ddarllen ac archwilio straeon gyda’ch plentyn, ewch i wefan BookTrust Cymru.